وزیراعظم کا اداکارشان کی والدہ کے انتقال پراظہار تعزیت

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر پیغام میں  اداکار شان شاہد سے ان کی والدہ  اداکارہ   نیلوبیگم کے انتقال پر  گہرے  دکھ اور افسوس کا اظہارکیا ہے  ۔

My condolences and prayers go to @mshaanshahid on the passing of his mother.

— Imran Khan (@ImranKhanPTI) January 31, 2021

وزیراطلاعات و نشریات سینیٹر شبلی فراز نے بھی اداکارہ نیلو کے انتقال پر اظہارافسوس کرتے ہوئے کہا ہے کہ نیلو فن کی دنیا کا ایک بڑا نام اور باصلاحیت اداکارہ تھیں۔

واضح  رہے کہ ما ضی کی معروف اداکارہ اور اداکارشان شاہد کی والدہ نیلو بیگم  گزشتہ روز  انتقال کر گئیں ۔ اداکار شان شاہد نے ٹوئٹر پر اپنی والدہ کی وفات کی تصدیق کی تھی ۔

It is with the saddest of heart I share the departure of my mother as she has gone to her creator .may ALLAH bless her 

— Shaan Shahid (@mshaanshahid) January 30, 2021

I don’t know what to write as words have become empty .. just like the world without her is so meaning less.. my success and my failures both need her.the only hope that is still alive is to meet her one day beyond the boundaries of life..love you forever. ??ALLAH apkay saath ho. pic.twitter.com/lgeV8UJdgY

— Shaan Shahid (@mshaanshahid) January 31, 2021

اداکارہ  نیلو  بیگم  کی عمر 80 برس تھی اور وہ کینسر کے مرض میں مبتلا تھیں ،  انہوں نے 1956 میں فلم ’بھوانی جنکشن‘  سے کیرئیر کا آغاز کیا  اور متعدد فلموں میں اداکاری کے جوہر دکھائے ۔  پاکستانی فلم انڈسٹری  میں انہیں شہرت 1957 کی سپرہٹ فلم 'سات لاکھ' کے گانے 'آئے موسم رنگیلے سہانے' میں پرفارمنس سے ملی ۔  نیلو بیگم کو بہترین اداکارہ کے نگار ایوارڈ سے بھی نوازا جاچکا ہے ۔انہوں نے ہدایت کار ریاض شاہد سے شادی کی جن سے ان کا بیٹا شان شاہد اور دیگر ہیں جبکہ شان خود بھی مقبول اداکار ہیں۔