اسحاق ڈار کا سعودی وزیر خارجہ سے ٹیلیفونک رابطہ، خطے کی تازہ صورتحال پر تبادلہ خیال

اسلام آباد:نائب وزیراعظم و وزیر خارجہ محمد اسحاق ڈار نے سعودی عرب کے وزیر خارجہ شہزادہ فیصل بن فرحان آل سعود سے ٹیلیفونک رابطہ کیا۔

ترجمان دفتر خارجہ کے مطابق گفتگو کے دوران دونوں رہنماؤں نے خطے کی تازہ صورتحال پر تبادلہ خیال کیا اور پائیدار امن و استحکام کے لیے مکالمے اور روابط کی اہمیت پر زور دیا۔

ترجمان دفتر خارجہ کا مزید کہنا تھا کہ سعودی وزیر خارجہ نے اس موقع پر پاکستان کی جانب سے جاری سفارتی کوششوں کی حمایت کا اعادہ کیا۔

ترجمان دفتر خارجہ طاہر اندرابی کا مزید کہنا تھا کہ ٹیلیفونک رابطے میں دونوں رہنماؤں نے اس بات پر بھی اتفاق کیا کہ باہمی رابطے جاری رکھے جائیں گے۔