اسحاق ڈار کا ایرانی وزیر خارجہ کا ٹیلی فونک رابطہ،خطے کی صورتحال پر تبادلۂ خیال

اسلام آباد:نائب وزیر اعظم محمد اسحاق ڈار اور ایران کے وزیر خارجہ عباس عراقچی کے درمیان ٹیلی فون پر رابطہ ہوا، جس میں خطے کی بدلتی ہوئی صورتحال پر تبادلہ خیال کیا گیا۔

تفصیلات کے مطابق ترجمان دفترخارجہ کی جانب سے بیان میں کہا گیا ہے کہ ٹیلیفونک گفتگو کے دوران نائب وزیراعظم نے کشیدگی میں کمی لانے کی تمام کوششوں کے لیے پاکستان کی حمایت کا اعادہ کیا اور مسائل کو بات چیت اور سفارت کاری کے ذریعے حل کرنے کی اہمیت پر زور دیا۔

ترجمان کے مطابق گفتگو کے دوران دونوں رہنماؤں نے جاری پیش رفت کے پیشِ نظر قریبی رابطہ برقرار رکھنے پر اتفاق کیا۔