پاکستان سپیس اینڈ اپر ایٹموسفیر ریسرچ کمیشن (سپارکو) نے پیش گوئی کی ہے کہ عیدالفطر 21 مارچ کو ہونے کا امکان ہے، کیونکہ 19 مارچ کو شوال کا چاند نظر آنے کے امکانات کم ہیں۔
بدھ کو جاری بیان میں سپارکو نے کہا کہ یکم شوال 1447 ہجری کا نیا چاند 19 مارچ کو صبح 6 بج کر 23 منٹ پر پیدا ہوگا۔
بیان کے مطابق 19 مارچ 2026 کو غروبِ آفتاب کے وقت نئے چاند کی عمر تقریباً 12 گھنٹے 41 منٹ ہوگی، جبکہ پاکستان کے ساحلی علاقوں میں غروبِ آفتاب اور غروبِ قمر کے درمیان تقریباً 28 منٹ کا وقفہ متوقع ہے۔
سپارکو نے کہا کہ ان فلکیاتی عوامل کی بنیاد پر 19 مارچ 2026 کی شام شوال کا چاند نظر آنے کے امکانات کم ہیں۔
بیان میں مزید کہا گیا کہ اس پیش گوئی کے مطابق یکم شوال 1447 ہجری بروز ہفتہ 21 مارچ 2026 کو متوقع ہے، جس کے ساتھ ہی ماہِ مقدس رمضان المبارک کا اختتام ہو جائے گا۔
.jpeg&w=3840&q=75)
