لاہور:لالی وڈ کی نئی آنیوالی فلم ’’دہلی گیٹ‘‘ کے ٹریلر اور سانگ لانچنگ تقریب کا انعقاد

ویب ڈیسک: لالی وڈ کی نئی آنیوالی فلم ’’دہلی گیٹ‘‘ کے ٹریلر اور سانگ لانچنگ تقریب کا  لاہور میں انعقاد کیا گیا جس میں فلم کی کاسٹ اور دیگر شوبز شخصیات شریک ہوئیں ،، فلم کی گیتوں پر شاندار پرفارمنسز بھی پیش کی گئیں۔

تفصیلات کے مطابق الحمرا کلچرل کمپلیکس میں منعقدہ تقریب میں اداکارہ روما مائیکل، یاسر خان، سید نور ،معمر رانا ،لیلی ، ندیم چیمہ اور دیگر شریک ہوئے ،،اس موقع پر فلم کے گیتوں پر شاندار پرفارمنس پیش کی گئی جسے دیکھنے والوں نے بھرپور سراہا۔

 فنکاروں نے اپنے تاثرات میں کہا کہ یہ پاکستان کی فلم ہے اس دور میں ایسی فلموں کی ضرورت ہے ہم سب کو چاہیے سینما اور فلم کو سپورٹ کریں۔

اس موقع پر دیگر شوبز شخصیات نے کہا کہ فلم انڈسٹری ختم نہیں ہوئی بلکہ اس کا دور ختم ہوا ہے اب یہ انڈسٹری نئے دور میں داخل ہو چکی ہے۔

خیال رہے کہ فلم ’’دہلی گیٹ‘‘ عیدالفطر پر ریلیز ہو گی جس کی نمایاں کاسٹ میں شفقت چیمہ سوزین خان جاوید شیخ روما مائیکل اور دیگر شامل ہیں،،اسکے ڈائریکٹر ندیم چیمہ ہیں۔  جبکہ پروڈیوسر گوہر علی ہیں۔