شاہد آفریدی کا صوابی میں سیلاب متاثرین سے اظہار یکجہتی، امدادی سامان تقسیم

پاکستان کرکٹ ٹیم کے سابق کپتان شاہد آفریدی سیلاب متاثرین کی مدد کے لیے خیبرپختونخوا کے ضلع صوابی پہنچے۔

انہوں نے سیلاب سے متاثرہ علاقے دالوڑی پایاں کا دورہ کیا اور جاں بحق افراد کے اہل خانہ سے ملاقات کر کے ان سے تعزیت کی۔

شاہد آفریدی نے متاثرہ گھروں اور علاقے میں ہونے والے نقصانات کا مشاہدہ کیا، جبکہ انہوں نے متاثرہ خاندانوں میں ضروری اشیاء بھی تقسیم کیں۔

دورے کے دوران ڈپٹی کمشنر نصراللہ خان نے شاہد آفریدی کو سیلاب سے ہونے والے جانی و مالی نقصانات کے بارے میں بریفنگ دی۔

اس موقع پر شاہد آفریدی کا کہنا تھا کہ وہ سیلاب متاثرین کی ہر ممکن مدد جاری رکھیں گے۔