ماڈل ٹاؤن: گھریلو جھگڑے کے بعد شہری ہائی ٹینشن ٹاور پر چڑھ گیا، ریسکیو آپریشن جاری

لاہور کے علاقے ماڈل ٹاؤن میں ایک شہری گھریلو جھگڑے کے بعد غصے میں آکر بجلی کے ہائی ٹینشن ٹاور پر چڑھ گیا۔ اطلاع ملتے ہی ریسکیو ٹیمیں اور اسنارکل فوری طور پر موقع پر پہنچ گئیں۔

پولیس کے مطابق، ماڈل ٹاؤن کا رہائشی شخص اپنے گھر والوں سے تنازع کے بعد انتہائی قدم اٹھاتے ہوئے ہائی وولٹیج ٹاور پر چڑھ گیا۔ ریسکیو 1122 اور پولیس اہلکار شہری کو بحفاظت نیچے اتارنے کے لیے ہر ممکن کوشش کر رہے ہیں۔

ادھر متاثرہ شخص کے اہل خانہ بھی جائے وقوعہ پر موجود ہیں اور اسے بات چیت کے ذریعے نیچے آنے پر آمادہ کرنے کی کوشش کر رہے ہیں۔